Raddmálsmunnhreyfingar í íslensku táknmáli: Notkun raddmálsmunnhreyfinga í fjórum sögum.

B.A. verkefni Gunnar Jóhannsdóttur sem útskrifaðist frá HÍ árið 2013

Í þessari ritgerð var gerð rannsókn út frá þeirri þumalputtareglu um að nafnorðum fylgi RMM í ÍTM og athugað hvort að öll nafnorð í ákveðnum sögum fengju RMM og einnig hvort einhverjar sagnir fengju RMM sem og tákn af öðrum orðflokkum. Einnig var myndun á RMM með 33 nafnorðum skoðuð, þ.e.a.s. hvort táknari myndar allt orðið eða hluta úr því. Rannsóknarniðurstöður voru síðan bornar saman við niðurstöður erlendra rannsókna á RMM.

Rannsakaðar voru fjórar sögur sagðar á ÍTM, tvær reynslusögur táknara, þ.e.a.s. saga þar sem táknari segir sjálfur frá atviki í sínu lífi, og tvær þjóðsögur þýddar af íslensku yfir á ÍTM. Sögurnar voru skoðaðar með það í huga hvort sýnilegur munur væri á notkun RMM í frásögnum og þýddum sögum.

Ritgerðina í heild sinni má nálgast í gegnum Skemmuna, Raddmálsmunnhreyfingar í íslensku táknmáli: Notkun raddmálsmunnhreyfinga í fjórum sögum.