Hernámsæskan, 5. þáttur: stríðslok og áhrif hernámsins

Hernámsæskan

Hernámsárin stóðu yfir á árunum 1940-1945 og voru einn örlagaríkasti tími þjóðarinnar. Í þessari þáttaröð verður saga tímabilsins sögð af sjónarhóli þeirra sem þá voru á æskuárum. Hvernig upplifði unga fólkið hernámið, hver voru samskiptin við herinn og hvaða áhrif hafði hernámið á æskulýðinn? Leifur Reynisson dregur fram munnlegar frásagnir víða um land og fléttar saman við samtímaupptökur og tónlist tímabilsins.

5. þáttur: Stríðslok og áhrif hernámsins

Í fimmta þætti er sagt frá hvernig stríðslokum var fagnað. Einnig er dregin upp mynd af þeim breytingum sem hernámið hafði í för með sér. Unga fólkið er sem fyrr í brennidepli en það hafði á umliðnum árum fengið betri tækifæri til að njóta lífsins lystisemda en nokkru sinni fyrr. Má segja að æskulýðsmenning hafi náð að skjóta rótum en hún átti eftir að brjótast út af fullum krafti með rokkinu rúmum áratug síðar.

Viðmælendur eru: Adolf Bjarnason, Bryndís Víglundsdóttir, Guðmundur Einarsson, Hafsteinn Flórentsson, Hrafnhildur Einarsdóttir, Ingvi Rafn Jóhannsson, Jón Sigvaldason, Kristín Þorleifsdóttir, Magnús Erlendsson, Sigurjón Björnsson, Sigurjón Vilhjálmsson, Vigdís Jack og Þórunn Melsteð.

Umsjón og dagskrárgerð: Leifur Reynisson. Ritstjórn og samsetning: Gígja Hólmgeirsdóttir. Tæknimaður: Lydía Grétarsdóttir

Ljósmynd: Minjasafnið á Akureyri.

Hér má hlusta á alla þættina í heild sinni [[1]]