Umhverfi heyrnarskertra - Dæmi tekið á lóð lýðháskólans og námskeiðamiðstöðvar fyrir heyrnarskerta í Ål í Hallingdal, Noregi

B.A. verkefni Gísla Rafns Guðmundssonar sem útskrifaðist frá HÍ árið 2012

Markmið þessa verkefnis var að leitast við að svara eftirfarandi spurningu: Er hægt að hanna skólalóð og útivistarsvæði með áherslu á þarfir heyrnarskertra? Gerð var athugun á umhverfi heyrnarskertra og hvernig þeir upplifa umhverfið öðruvísi en heyrendur. Þá var var tekið dæmi um hönnun lóðar á svæði Lýðháskólans í Ål í Noregi, en sá skóli er ætlaður heyrnarskertum, fjölskyldum þeirra og öðrum þeim sem nema vilja táknmálsfræði.

Skipta má verkefninu í fjóra hluta: Gagnaöflun, staðhætti, hugmyndavinnu og hönnunartillögu, en hönnunartillaga byggir á flokkum Patrik Grahns og tekur mið af þörfum heyrnarskertra. Vel gekk að hanna skólalóð og útivistarsvæði á rannsóknarsvæðinu með áherslu á þarfir heyrnarskerta og var það megin niðurstaða verkefnisins. Ennfremur þótti athyglisvert hve lítið hefur verið fjallað um heyrnarskerta og hvað þeir þarfnast og er því þörf á frekari rannsóknum á þessu sviði.

Ritgerðina í heild sinni má nálgast í gegnum Skemmuna, Augun mín og augun þín. Umhverfi heyrnaskertra - Dæmi tekið á lóð lýðháskólans og námskeiðsmiðstöðvar fyrir heyrnarskerta í Ål í Hallingdal, Noregi