Munur á milli breytinga „Flokkur:Anna Jóna Lárusdóttir, heiðursverðlaunahafi SHH 2024“

Bæta við sögu

Anna Jóna Lárusdóttir fékk ÍTM heiðursverðlaun SHH árið 2024 fyrir framlag sitt til varðveislu ÍTM.

Á Samskiptamiðstöð eru varðveitt fjölmörg myndbönd þar sem Anna Jóna segir sögur úr lífi sínu og er viðmælandi í viðtölum sem tekin hafa verið af ýmsu tilefni. Framlag Önnu Jónu til varðveislu ÍTM er ómetanlegt, fjársjóður sem komandi kynslóðir geta leitað í, séð áhugaverðar sögur og rannsakað íslenska táknmálið.

Anna Jóna Lárusdóttir fæddist á Akureyri þann 29. september 1950. Fjögurra ára gömul fór hún á heimavist í Heyrnleysingjaskólanum og lauk unglingaprófi þaðan árið 1966 og fór þaðan í nám í Myndlista- og handíðaskólanum veturinn 1966-1967.

Anna Jóna bjó í Skotlandi og Saudi-Arabíu 1976-1986 en hefur síðan búið á höfuðborgarsvæðinu.

Í gegnum tíðina hefur Anna Jóna sinnt kennslu í ÍTM, á vegum Heyrnleysingjaskólans, Vesturhlíðarskóla, Samskiptamiðstöðvar og Hlíðaskóla, ýmist að kenna döff börnum eða heyrandi fólki.

Eiginmaður Önnu Jónu er Jón Baldvin Georgsson kennari og eiga þau þrjú börn og sjö barnabörn; Guðmund Helga f. 1970, Oddnýju Völu f. 1973 og Jóhannes Baldvin f. 1979. Barnabörnin eru: Eva Helga f. 2002, Anton Brimar f. 2005, Aleksandar Noi Hegnar f. 2006, Petra Hegnar f. 2010, Steinunn Marsilía f. 2004, Anna Hrefna f. 2008, Ágúst Baldvin f. 2011.

Myndböndin hér að neðan eru annars vegar í tímaröð og hins vegar í stafsetningarröð eftir titlum.