Munur á milli breytinga „Flokkur:Anna Jóna Lárusdóttir, heiðursverðlaunahafi SHH 2024“

Bæta við sögu

Anna Jóna Lárusdóttir fékk Heiðursviðurkenningu SHH árið 2024 fyrir framlag sitt til varðveislu ÍTM.

Á Samskiptamiðstöð eru varðveitt fjölmörg myndbönd þar sem Anna Jóna segir sögur úr lífi sínu og er viðmælandi í viðtölum sem tekin hafa verið af ýmsu tilefni. Framlag Önnu Jónu til varðveislu ÍTM er ómetanlegt, fjársjóður sem komandi kynslóðir geta leitað í, séð áhugaverðar sögur og rannsakað íslenska táknmálið.

Anna Jóna Lárusdóttir fæddist á Akureyri þann 29. september 1950. Fjögurra ára gömul fór hún á heimavist í Heyrnleysingjaskólanum og lauk unglingaprófi þaðan árið 1966 og fór þaðan í nám í Myndlista- og handíðaskólanum veturinn 1966-1967.

Anna Jóna hefur búið víða á Íslandi en á árunum 1976-1986 bjó hún í Skotlandi, Saudi-Arabíu og Englandi en hefur búið á höfuðborgarsvæðinu frá því hún flutti aftur til landsins.

Í gegnum tíðina hefur Anna Jóna sinnt kennslu í ÍTM, á vegum Heyrnleysingjaskólans, Vesturhlíðarskóla, Samskiptamiðstöðvar og Hlíðaskóla, ýmist að kenna döff börnum eða heyrandi fólki. Hún sat í stjórn Félags heyrnarlausra með hléum frá 1991-2015, þar af formaður frá 1993-1996. Einnig sat hún í stjórn félagsins Döff 55+ 2006-2023.

Eiginmaður Önnu Jónu frá árinu 1969 er Jón Baldvin Georgsson f.1948. Jón er kennari og eiga þau þrjú börn og sjö barnabörn; Guðmund Helga f. 1970, Oddnýju Völu f. 1973 og Jóhannes Baldvin f. 1979. Barnabörnin eru: Eva Helga f. 2002, Anton Brimar f. 2005, Aleksandar Noi f. 2006, Petra f. 2010, Steinunn Marsilía f. 2004, Anna Hrefna f. 2008, Ágúst Baldvin f. 2011.

Myndböndin hér að neðan eru annars vegar í tímaröð og hins vegar í stafsetningarröð eftir titlum.