Hjálp:Efnisyfirlit

Hvernig á að setja inn tákn og leggja til efni á SignWiki

Til að leggja til nýtt tákn á SignWiki takið þið upp myndband með tákni eða dæmi um notkun á tákni. Notið vefmyndavél, upptökuvél, snjallsíma, eða annað tæki sem þið kjósið. Þið getið sent táknið á YouTube reikning Samskiptamiðstöðvar með því að senda myndbandið í tölvupósti til: po0jya8kd1j4@m.youtube.com

Með því að gera það gefur þú Samskiptamiðstöð leyfi til að nota myndbandið á SignWiki og á YouTube.

Einnig getið þið sett myndbandið á ykkar eigin YouTube reikning. Veljið svo Share/Deila á YouTube og afritið slóðina fyrir myndbandið. Setjið svo myndbandið beint á SignWiki eða sendið slóðina á tölvupósti á Samskiptamiðstöð og SHH setur táknið inn á SignWiki.

Ef þú átt snjallsíma getur þú t.d. tekið myndbandið upp á símann þinn og hlaðið myndbandinu beint á YouTube eða sent það í tölvupósti til SHH. Einfaldara gerist það ekki.

Búðu til notendaaðgang á SignWiki og skráðu þig inn. Þú verður að vera skráður notandi á SignWiki til þess að stofna nýtt tákn og gera breytingar. Sendu okkur póst með notendanafni þínu á wiki(hjá)shh.is til að fá réttindi til að breyta og stofna ný tákn.

Veljið svo Nýtt tákn í SignWiki, nefnið táknið og ýtið á Áfram. Fyllið svo inn í formið eftir því sem við á. Munið að ýta á Vista síðu neðst á skjánum.

Leiðbeiningar um skráningu á SignWiki

Fyrir Youtube myndbönd notar þú einungis kennistafina aftast í slóðinni fyrir myndbandið, en ekki alla slóðina: http://youtu.be/IM0xfFpxrys

Þegar upplýsingar hafa verið fylltar út er valið Vista síðu neðst á síðunni, þá er síðan tilbúin. Einfalt er að smella á Breyta, uppi hægra megin, ef einhverju þarf að breyta, bæta við eða laga.

Hlaða inn mynd

Það er mikilvægt að nota myndir til að tengja táknunum. Það er einnig mikilvægt að nota bara myndir sem leyfilegt er að nota, þ.e. myndir sem ekki eru varðar höfundarétti. Margar myndir má finna t.d. á:

http://commons.wikimedia.org http://openclipart.org/

Það er einfalt að nota myndir frá Wikimediacommons á SignWiki

Til þess að nota aðrar myndir í SignWiki, þarf fyrst að hlað þeim upp. Veljið: Hlaða inn skrá.

-Þar velur þú: Choose file, velur svo mynd sem þú hefur vistað á tölvunni hjá þér.

Þar sem stendur Ágrip: setur þú slóðina þar sem þú fannst myndina, og einnig upplýsingar um höfund ef þannig er háttað. Smellið á myndina til að sjá dæmi:

Svo velur þú Hlaða inn skrá neðst á síðunni.

Þú afritar svo nafnið á myndinni, e.g. eldgos.jpg og setur hana inn undir Image2 í tákninu Eldgos eða Image1 ef um er að ræða táknmynd af tákninu. Dæmi: Eldgos

Munið að SignWiki er opið fyrir alla, og ritstjórar geta breytt táknum og skráningum. Ekki setja inn efni ef þú sættir þig ekki við þá skilmála.

Innsetning mynda frá Wikimediacommons

• Wikimediacommons er myndasafn sem leyfilegt er að nota undir frjálsu leyfi. Þar má finna ýmsar myndir til að lýsa merkingu tákna.
• Það er einfalt að setja myndir af Wikimediacommons yfir á SignWiki.
• Þú einfaldlega finnur mynd við hæfi, afritar nafnið á henni eins og það birtist á Wikimediacommons, áamt endingu t.d. .jpg
• Þú límir (paste) nafninu í Image2 í tákninu sem þú ert að stofna á SignWiki og myndin er tilbúinn til notkunar á SignWiki ásamt öllum nauðsynlegum upplýsingum.

Sjá dæmi hér: http://is.signwiki.org/index.php/Kl%C3%A1r

Ýmis atriði sem gott er að hafa í huga

Fara vel yfir skráningu

Alltaf að skoða síðuna og myndbandið eftir að nýtt tákn hefur verið stofnað. Spilar myndbandið og er þetta rétt myndband fyrir þetta tákn?

Fá álit og vinna saman

SignWiki er samvinnuverkefni, endilega spyrja næstu manneskju um eitthvað sem þér finnst vera álitamál. Alltaf gott að fá hugmyndir og uppástungur. Munið einnig að aðrir munu skoða ykkar framlög og munu einnig geta breytt og bætt við skráninguna.

Skráning mynda

Muna að skrá slóð mynda sem notuð er með táknum og höfund (attribution) ef það á við. Þetta er gert á síðu myndarinnar sjálfrar. Smellt er á breyta og upplýsingarnar settar þar inn. Muna að setja ekki inn myndir sem ekki er leyfilegt að nota eða sem óljóst er hvort má nota eða ekki.

Tengls við önnur tákn

Reynið að skrá inn tengls við önnur tákn eins og kostur er. Þetta gerir nám í táknmáli og rakningu milli tákna innan vefsins auðveldari fyrir notendur. Tengið t.d. samheiti, andheiti, tengda staði, svipuð orð osfrv.