Hernámsæskan, 3. þáttur: samskipti við herinn

Úr SignWiki
Jump to navigation Jump to search

Hernámsæskan

Hernámsárin stóðu yfir á árunum 1940-1945 og voru einn örlagaríkasti tími þjóðarinnar. Í þessari þáttaröð verður saga tímabilsins sögð af sjónarhóli þeirra sem þá voru á æskuárum. Hvernig upplifði unga fólkið hernámið, hver voru samskiptin við herinn og hvaða áhrif hafði hernámið á æskulýðinn? Leifur Reynisson dregur fram munnlegar frásagnir víða um land og fléttar saman við samtímaupptökur og tónlist tímabilsins.

3. þáttur: Samskipti við herinn

Í þriðja þætti er ljósi varpað á samskipti æskunnar við herinn. Yfirvöld lögðu áherslu á að takmarka samgang hers og þjóðar sem mest en unga fólkið var ekki alltaf sama sinnis. Þá urðu sumir hermenn heimilisvinir. Ástandið kemur við sögu en yngsti aldurshópurinn fylgdist vel með þeim samdrætti. Hér segir einnig frá komu Bandaríkjamanna en þá færðist heldur betur fjör í leikinn.

Viðmælendur eru: Adolf Bjarnason, Árni Valur Viggósson, Björn Sigurbjörnsson, Frantz Pétursson, Hafsteinn Flórentsson, Ingibjörg Árelíusardóttir, Ingvi Rafn Jóhannsson, Jón Hilmar Gunnarsson, Jón Sigvaldason, Kristín Þorleifsdóttir, Matthildur Einarsdóttir, Sigurjón Björnsson, Sigurjón Vilhjálmsson og Vigdís Jack.

Umsjón og dagskrárgerð: Leifur Reynisson. Ritstjórn og samsetning: Gígja Hólmgeirsdóttir. Tæknimaður: Lydía Grétarsdóttir

Ljósmynd: Minjasafnið á Akureyri.

Hér má hlusta á alla þættina í heild sinni [[1]]